صلات اللیل کی  دعائیں  سنیں  MP3

نماز تہجّد کے فوائد NEW

 اور کسی وقت رات میں تہجد پڑھا کرو جو تیرے لیے زائد چیز ہے قریب ہے کہ تیرا رب مقام محمود میں پہنچا دے  ہ -القرآن   - 79: 17

 وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَىٰ أَن يَبْعَثَكَ رَبُّكَ مَقَامًا مَّحْمُودًا

نماز تہجّد کے قبل کی  دعائیں

اے رب مجھے بخش دے مجھ پر رحم کر اورمیری توبہ قبول فرما بے شک تو بڑاتوبہ قبول کرنے والا معاف کرنے والا مہربان ہے۔

رَبِّ اغْفِرْ لِی وَارْحَمْنِی تُبْ عَلَیَّ إِنَّکَ أَنْتَ التَّوَّابُ الْغَفُورُ لرَّحِیمُ

حمد ہے صبح کے رب کے لیے حمد ہے صبح کو ظاہر کر نے والے کیلئے۔

الْحَمْدُ لِرَب الصَّباحِ الْحَمْدُ لِفالِق الْاِصْباحِ

اسکے بعد تین مرتبہ کہے:

پاک ہے میرا رب جو بادشاہ پاک تر غالب ہے حکمت والا ۔

سُبْحانَ رَبِّیَ الْمَلِکِ الْقُدُّوس الْعَزِیزِ الْحَکِیمِ

 پھر کہے:

اے زندہ اے پائندہ اے نیک اے مہربان اے بے نیاز اے سخی مجھے وہ تجارت

نصیب کر جو فضیلت میں بڑھی ہوئی ہو رزق میں وسعت لانے والی اور انجام کار میرے لییبہتر ہو کیونکہ وہ بھلائی نہیں جس کا انجام اچھا نہ ہو ۔

یَا حَیُّ یَا قَیُّومُ یَا بَرُّ یَا رَحِیمُ یَا غَنِیُّ یَا کَرِیمُ ارْزُقْنِی

مِنَ التِّجارَةِ اَعْظَمُھَا فَضْلاًوَأَوْسَعَہا رِزْقاً وَخَیْرَہا لِی عاقِبَةً فَإِنَّہُ لاَ خَیْرَ فِیما لاَ عاقِبَةَ لَہُ

     مناسب ہے کہ اس کے بعد دعاے حزین پڑھے۔ پھر سجدے میں جائے اور پانچ مرتبہ کہے:

پاک و پاکیزہ ہے فرشتوں اور روح کا پروردگار۔

سُبُّوح قُدُّوسٌ رَبُّ الْمَلائِکَة وَالرُّوح 

پاک و پاکیزہ ہے فرشتوں اور روح کا پروردگار۔

سُبُّوح قُدُّوسٌ رَبُّ الْمَلائِکَة وَالرُّوح 

 اگر وقت ہو تو پڑھے :  اس کے بعد نماز فجر کے نافلہ کے لیے کھڑا ہو جائے ،نافلہ صبح دو رکعت ہے ۔ اس کی پہلی رکعت میں سورہ حمد کے بعد سورہ کافرون اور دوسری رکعت میں حمد کے بعد سورہ توحید پڑھے ۔ نماز کا سلام دینے کے بعد پہلو کے بل روبہ قبلہ ہو کریوں لیٹ جائے جیسے میّت کو قبر میں لٹا یاجاتا ہے ، پس اپنا دایاں رخسارہ اپنے دائیں ہاتھ پر رکھے اوریہ پڑھے :

میں وابستہ ہوا ہوں خدا کی مضبوط زنجیر سے جو ٹوٹنے والی نہیں ہے اور تھامے ہوئے خدا کی محکم تر رسّی کو اور خدا کی

پناہ لیتا ہوں عرب و عجم کے بدکاروں کے شر سے اور خداکی پناہ لیتا ہوں جن و انس کے بدکاروں کے شر سے

اسْتَمْسَکْتُ بِعُرْوَةِ اللهِ الْوُثْقیٰ الَّتِی لاَ انْفِصامَ لَہا وَاعْتَصَمْتُ بِحَبْلِ اللهِ الْمَتِینِ وَأَعُوذُ

بِاللهِ مِنْ شَرِّ فَسَقَةِ الْعَرَبِ وَالْعَجَمِ وَأَعُوذُ بِاللهِ مِنْ شَرِّ فَسَقَةِ الْجِنِّ وَالْاِنْسِ۔

پھر تین مرتبہ کہے:

پاک ہے صبح کا پروردگار جو صبح کو وجود میں لاتا ہے۔

سُبْحَاَنَ رَبِّ الصَّباحِ فالِق الْاِصْباحِ۔

     اس کے بعد سورہ آل عمران کی وہ پانچ آیات پڑھے جن کا شروع یہ ہے اِنَّ فِی خَلْقِ السَّمٰوَاتِ وَالْاَرْضِ بعدمیں بیٹھ کر تسبیح حضرت زہرا(ع) پڑھے کتاب من لا یحضرہ الفقیہ میں روایت ہوئی ہے کہ جو شخص صبح کے نافلہ اور فریضہ کے درمیان محمدو آل(ع) محمد پر سومرتبہ درود بھیجے تو الله اسے جہنم کی تپش سے محفوظ رکھے گا اور جو شخص سو مرتبہ کہے :

پاک ہے میرا عظیم رب اور میں اس کی حمد کرتا ہوں ۔ میں اپنے الله سے معافی مانگتا اور توبہ کرتا ہوں

سُبْحانَ رَبِّیَ الْعَظِیْمِ وَبِحَمْدِہ اَسْتَغْفِرُاللهَ رَبِّیْ وَاَتُوْبُ اِلَیْہِ

     تو حق تعالیٰ اس کے لیے جنت میں ایک گھر بنائے گا جو شخص اکیس مرتبہ سورہ توحید پڑھے تو الله تعالی اس کیلئے بھی جنت میں ایک گھر بنائے گااور اگر چالیس مرتبہ سورہ توحید پڑھے توخدا تعالےٰ اسے بخش دے گا ۔ بہتر ہے کہ نماز شب یعنی نماز تہجد کے بعدصحیفہ کاملہ کی بتیسویں دعا پڑھے:جس کا آغازیوں ہوتا ہے :

 اے الله! اے دائمی وابدی بادشاہی والے ۔

اَللّٰھُمَّ َیا ذَاالْمُلْک ِ الْمُتَأَبِّدِ بِالْخُلُودِ

                 پھر سجدہ شکر بجالاے اور بہتر ہے کہ اس میں مومن بھائیوں کے لیے دعا کرے اور اسی حالت سجدہ میں۔اَللّٰھُمَّ رَب الْفَجْرِ۔۔۔۔۔ (اے معبود! اے فجر کے رب ۔)سے شروع ہونے والی دعا پڑھے جو سجدہ شکر کے بیان میں ذکر ہو چکی ہے مؤلف کو اپنے مؤمن بھائیوں سے قوی امید ہے کہ وہ حالت سجدہ میں اس کے لیے بھی دعا کریں گے کیونکہ اسے ان کی دعاؤں کی سخت ضرورت ہے ۔ اور خداوند عالم ہی سب کو توفیق دینے والا ہے۔

 تہجّد کی نماز کے بعد امام زین العابدین کی دعاء - گناہوں سے مغفرت کے لئے 

براہ مہربانی  اپنی  تجاویز  یہاں بھیجیں  

اس سائٹ کا کاپی رائٹ نہیں ہے