امام جعفر صادق (ع)سے روایت ہے کہ کوئی مومن ایسا نہیں ہے کہ جس کے چالیس دن گزاریں اور اسے حدیث نفس عارض نہ ہو لہذا جب کسی مومن کوحدیث نفس عارض ہو تو اسے چاہیے کہ دورکعت نماز ادا کرے اور خدا کی پناہ طلب کرے آپ ہی سے منقول ہے کہ جب حضرت آدم (ع)نے خدا سے حدیث نفس کی شکایت کی تو حضرت جبرائیل(ع) نازل ہوئے اور انہیں بتا یا کہ آپ کہا کریں۔
لاَ حَوْلَ وَلاَ قُوَّةَ إِلاَّ بِاللهِ۔
نہیں کوئی طاقت وقوت مگر جو خدا سے ہے
چنانچہ حضرت آدم (ع) نے یہی ذکر پڑھا اور حدیث نفس ان سے دور ہوگئی حضرت نے فرمایا
لاَ حَوْلَ وَلاَ قُوَّةَ إِلاَّبِاللهِ۔
نہیں کوئی طاقت وقوت مگر جو خدا سے ہے۔
اس جملہ کوحضرت امام محمد باقر (ع) سے روایت ہے کہ ایک شخص نے رسول اکرم ﷺ کی خدمت میں آکر وسوسے ، حدیث نفس اور قرض وغربت کی شکایت کی تو آنحضرت ﷺ نے فرمایا تم یہ دعا پڑھا کرو:
تَوَکَّلْتُ عَلَی الْحَیِّ الَّذِی لاَ یَمُوتُ وَالْحَمْدُ لِلّٰہِ الَّذِی لَمْ یَتَّخِذْ وَلَداً وَلَمْ یَکُنْ لَہُ شَرِیک
اس زندہ پر بھروسہ کرتا ہوں جسے موت نہیں آئے گی حمد اللہ کے لئے جس نے کسی کو اپنا بیٹا نہیں بنایانہ
فِی الْمُلْکِ وَلَمْ یَکُنْ لَہُ وَلِیٌّ مِنَ الذُّلِّ وَکَبِّرْھُ تَکْبِیراً۔
بادشاہت میں اس کا کوئی شریک ہے نہ وہ کمزور ہے اس کوئی مدد گار بنے اور اس کی بہت بڑائی کرو۔
اسکے ساتھ یہ بھی فرمایا کہ یہ دعا بار بار پڑھا کرو اور خدا کی اس قدر بڑائی بیان کرو کہ جو اس کا حق ہے چنانچہ زیادہ عرصہ نہ گزرا تھا کہ وہ شخص آنحضرت کی خدمت میں حاضر ہوا اور عرض کیا یا رسول اللہ! اللہ تعالیٰ نے مجھ سے وسوسے دور کر دئیے میرا قرض ادا کرا دیا اور میری غربت ہٹا دی نیز روایت ہے کہ جب شیطانی وسوسوں سے تمہارا سینہ تنگ ہونے لگے اور شکوک پیدا ہونے لگیں تو یہ کہا کرو۔
ھُوَ الْاَوَّلُ وَالْاَخِرُ وَالظَّاھِرُ وَالْباطِنُ وَھُوَ بِکُلِّ شَیْءٍ عَلِیمٌ۔
وہی اول ہے وہی آخر ہے وہ عیاں ہے اور نہاں بھی اور وہ ہر چیز کا جاننے والا ہے۔
نیز حضرت امام جعفر صادق (ع)سے مروی ہے کہ شیطانی وسوسوں کو دور کرنے کے لئے اپنے جسم پر ہاتھ پھیرتے ہوئے کہو:
بِسْمِ الله وَبِالله مُحَمَّدٌ رَسُولُ الله وَلاَ حَوْلَ وَلاَ قُوَّةَ إِلاَّ بِالله الْعَلِیِّ الْعَظِیمِ اَللّٰھُمَّ امْسَحْ عَنِّی مَا أَحْذَرُ
خدا کے نام اور اس کی ذات کے ساتھ محمد اللہ کے رسول ہیں اور نہیں کوئی طاقت وقوت مگر جو بلند وبزرگ خدا سے ہے اے معبود مجھ سے وہ چیز دور کر جس سے ڈرتا ہوں
پھر اپنے پیٹ پر ہاتھ پھیر کر یہی دعا تین مرتبہ پڑھو انشاء اللہ وسوسے دور ہوجائیں گے علاوہ ازیں شیطانی وسوسوں کو دور کرنے کے لئے سر کو بیری کے پتوں سے دھونا، مسواک کرنا، انار کھانا، آب نیساں پینا اور ہر ماہ کی پہلی اور آخری جمعرات اور درمیانی بدھ کے روزے رکھنا بھی نافع ہے نیز یہ دعا پڑھنا بھی مفید ہے۔
أَعُوذُ بِاللهِ الْقَوِیِّ مِنَ الشَّیْطانِ الْغَوِیِّ وَأَعُوذُ بِمُحَمَّدٍالرَّضِیِّ مِنْ شَرِّ مَا قُدِّرَ وَقُضِیَ
پناہ لیتا ہوں طاقت ور خدا کی گمراہ کرنے والے شیطان سے پناہ لیتا ہوں پسند شدہ محمد کی امو ر بست کشاد کے شر سے
وَأَعُوذُ بِإِلہِ النَّاسِ مِنْ شَرِّ الْجِنَّةِ وَالنَّاسِ أَجْمَعِینَ۔
اور پناہ لیتا ہوں انسانوں کے معبود کی تمام جنوں اور انسانوں کی شر سے ۔