سید ابن طاؤس(علیہ الرحمہ) نے جمال الاسبوع میں شیخ تلعکبری (علیہ الرحمہ)سے نقل کیا انہوں نے اپنی سند کے ساتھ زید بن ثابت سے روایت کی ہے کہ کسی دور کے گاؤں سے ایک شخص رسول خدا کی خدمت حاضر ہوا اور عرض کیا یا رسول اللہ میرے ماں باپ آپ پر قربان ہوجائیں ہم لوگ دیہات میں رہتے ہیں مدینہ سے بہت دور ہیں لہذاہم ہرنماز جمعہ میں حاضر نہیں ہوسکتے لہذا آپ ہمیں کوئی ایسا عمل بتایں کہ جس کے بجا لانے سے ہمیں نماز جمعہ کی فضیلت حاصل ہو جاے اور میں جب اپنے قبیلے میں جاؤں تو ان لوگوں کو بتاؤں آنحضرت نے فرمایا جب دن چڑھ جائے تو دو رکعت نماز پڑھو پہلی رکعت میں سورہ حمد کے بعد سات مرتبہ سور ہ فلق اور دوسری رکعت میں سورہ حمد کے بعد سات مرتبہ سورہ ناس پڑھو: سلام نماز کے بعد سات مرتبہ آیت الکرسی پڑھو آٹھ رکعت نماز بجا لاؤ پھر چار چار رکعت کر کے اور دوسری رکعت کے بعد تشہد پڑھو اور چوتھی رکعت پر سلام کہو پھر دوسری چار رکعتیں بھی اسی طرح ادا کرو اور ہر رکعت میں سورہ حمد کے بعد ایک مرتبہ سورہ نصر اور پچیس مرتبہ سورہ اخلاص پڑھو جب تشہد اور سلام ختم ہو جائے تو یہ دعا سات مرتبہ پڑھے :
یَا حَیُّ یَا قَیُّوْمُ یَا ذَاالْجَلالِ وَالْاِکْرامِ یَا إِلہَ الْاَوَّلِینَ وَالاَْخِرِینَ یَاأَرْحَمَ الرَّاحِمِینَ یَارَحْمٰنَ
اے زندہ اے پائندہ اے دبدبے اور بزرگیوں کے مالک اے اولین وآخرین کے معبود اے سب سے زیادہ رحم کرنے والے اے دنیا و
الدُّنْیا وَ الْآخِرَةِ وَرَحِیمَھُما یَارَبِّ یَارَبِّ یَارَبِّ یَارَبِّ یَارَبِّ یَارَبِّ یَارَبِّ یَا اللهُ یَااللهُ یَا اللهُ
آخرت میں بڑے رحم والے اور دنیا وآخرت میں مہربان یا رب یارب یا رب یا رب یارب یارب یارب یااللہ یااللہ
یَا اللهُ یَا اللهُ یَا اللهُ یَا اللهُ صَلِّ عَلَی مُحَمَّدٍ وَآلِ مُحَمّدٍ وَاغْفِرْ لِی۔
یااللہ یااللہ یاالله یا اللہ یااللہ یااللہ رحمت فرمامحمد پر اور ان کی آل پر اور مجھے بخش دے۔
پھر اپنی حاجات کو بیان کرو بعد میں ستر مرتبہ کہو:
لاَ حَوْلَ وَلاَ قُوَّةَ إِلاَّ بِاللهِ الْعَلِیِّ الْعَظِیمِ ۔
نہیں کوئی طاقت وقوت مگر وہ جو بلند وبزرگ خدا سے ہے۔
اور کہو :
سُبْحانَ الله رَبِّ الْعَرْشِ الْکَرِیمِ۔
پاک ہے اللہ جو عزت والے عرش کا مالک ہے
اس کے بعد رسول الله ﷺ نے فرمایا ،قسم ہے اس خدا کی جس نے مجھے حق کے ساتھ بھیجا ہے جو بھی مومن مرد یاعورت جمعہ کے دن یہ نماز پڑھے تو میں اس کیلئے بہشت کا ضامن ہوں وہ ابھی اپنی جگہ سے نہ اٹھا ہوگا کہ اس کے اور اس کے والدین کے گناہ معاف ہو چکے ہوں گے اللہ تعالی اس کو مسلمانوں کے شہر وں میں اس دن نماز پڑھنے والوں کی تعداد کے برابر ثواب عنایت فرماے گا اور اس دن کائنات کے تمام روزہ دار نمازیوں کے برابر اجر دیا جائے گا حق تعالیٰ اس کو وہ کچھ عنایت فرماے گا جسے نہ کسی آنکھ نے دیکھا اور نہ کسی کان نے سنا ہوگا مؤلف کہتے ہیں شیخ طوسی(علیہ الرحمہ) نے بھی مصباح میں اس نماز کا ذکر کیا ہے لیکن ان کی روایت مذکورہ میں دعا موجود نہیں ہے بلکہ انہوں نے فرمایا ہے کہ جب نماز سے فارغ ہو جاؤ تو ستر مرتبہ یہ دعا پڑھو:
سُبْحانَ اللهِ رَبِّ الْعَرْشِ الْکَرِیمِ وَلاَ حَوْلَ وَلاَ قُوَّةَ إِلاَّ بِاللهِ الْعَلِیِّ الْعَظِیمِ۔
اللہ پاک ہے جو عزت والے عرش کا مالک ہے اور نہیں کوئی طاقت وقوت مگر جو بلند وبزرگ خدا سے ہے۔