| |
٣٧ ۔ حق مہر کا زیادہ ہون
ایسی عورت جس کا حق مہر حد سے زیادہ ہو
قال رسول اللہ صلی اللہ علیہ و آلہ و سلم :
ما من امرئة تثقل علی زوجھا المھر الا ثقل اللہ علیہ سلاسل من نار جھنم . ( ١ )
رسول خدا صلی اللہ علیہ و آلہ و سلم نے فرمایا :
جو عورت اپنے شوہر پر زیادہ حق مہر کا بوجھ ڈالے خداوند متعال روز قیامت اس پر آگ کی زنجیروں کا بوجھ ڈالے گا.
--------------
( ١ ) مستدرک الوسائل ١٤ : ٢٤١ .
٣٨ ۔ شوہر کو احسان جتلان
ایسی عورت جو جہیز کے زیادہ ہونے کا احسان جتلائے
قال رسول اللہ صلی اللہ علیہ و آلہ و سلم :
لو أن جمیع ما فی الارض من ذھب و فضة حملتہ المرئة الی بیت زوجھا ، ثم ضربت علی رأس زوجھا یوماً من الأیام تقول :
من أنت ؟ انما المال مالی حبط عملھا و لو کانت من أعبد الناس الا أن تتوب و ترجع و تعتذر الی زوجھا . ( ١ )
رسول خدا صلی اللہ علیہ و آلہ و سلم نے فرمایا :
اگر عورت زمین کے اندر موجود سارا سونا چاندی جہیز کے طور پر شوہر کے گھر لے جائے لیکن ایک دن اسے شوہر کے سر پہ مار دے اور کہے :
تم کون ہو ؟ سارا مال تو میرا ہے . تو اس عورت کے نیک اعمال ضائع ہوجائیں گے یہاں تک کہ وہ پرہیزگار ترین خاتون ہی کیوں نہ ہو .
ہاں ! مگر ایسی عورت میں کہ وہ اپنے کئے پر پشیمان ہو اور شوہر سے معذرت خواہی کرے .
--------------
( ١ ) مکارم الأخلاق ١ : ٤٤١ .
٣٩ ۔ شوہر کو احسان جتلان
ایسی عورت جو زیادہ مال رکھنے کی بنا پر احسان جتلائے
قال رسول اللہ صلی اللہ علیہ و آلہ و سلم :
أیما امرئة منت علی زوجھا بما لھا فتقول :
انما انت تاکل من مالی . ولو انّھا تصدقت بذلک المال فی سبیل اللہ لا یقبل اللہ منھا الا أن یرضی عنھا زوجھا . ( ١ )
رسول خدا صلی اللہ علیہ و آلہ و سلم نے فرمایا :
جو عورت زیادہ مالدار ہونے کی وجہ سے شوہر پر احسان جتلائے اور اسے کہے: تم تو میرے مال سے کھا رہے ہو !
ایسی عورت اگر اپنا سارا مال راہ خدا میں انفاق کردے تو بھی خداوند متعال اس سے قبول نہیں کرے گا یہاں کہ اپنے شوہر کو راضی کرے .
--------------
( ١ ) مکارم الأخلاق ١ : ٤٤١ .
٤٠ ۔ نافرمان بیوی
ایسی عورت جو شوہر کی نافرمانی کرتی ہو
قال رسول اللہ صلی اللہ علیہ و آلہ و سلم :
ثمانیة لا یقبل اللہ لھم صلاة … النا شزة عن زوجھا وھو علیھا ساخط . ( ١ )
رسول خدا صلی اللہ علیہ و آلہ و سلم نے فرمایا:
آٹھ اشخاص ایسے ہیں کہ خداوند متعال جن کی نماز قبول نہیں فرماتا … ان میں سے ایک اپنے شوہر کی نافرمان عورت ہے جس کا شوہر اس پر غضبناک ہو .
--------------
( ١ ) من لا یحضرہ الفقیہ ١ : ٣٦ ، خصال : ٤٠٧ ، المواعظ : ١٧ ، معانی الأخبار : ٤٠٤ ،
محاسن برقی ١ : ٧٦ .
٤١ ۔ دوسروں کو نفرین کرن
ایسی عورت جو بغیر وجہ کے دوسروں کو نفرین کرے
قال رسول اللہ صلی اللہ علیہ و آلہ و سلم فی حدیث المرئة التی لعنت ناقتھا فی السفر :
ضعوا عنھا فانھا ملعونة . ( ١ )
حدیث میں آیا ہے کہ ایک عورت نے سفر میں اپنے اونٹ پر لعنت کی تو رسول خدا صلی اللہ علیہ و آلہ و سلم نے فرمایا :
اس سے دور ہو جاؤ اس لئے کہ یہ لعنت کی مستحق قرار پا چکی ہے . ( ٢ )
--------------
( ١ ) بحار الانوار ٦١ : ٢١٣ .
( ٢ ) اگر کسی حیوان پر لعنت کرنے کا اتنا بڑا گناہ ہے کہ انسان لعنت خدا کا مستحق قرار پا جاتا ہے تو پھر کسی انسان یا اپنی اولاد پر بیجا لعنت کرنے کا گناہ کتنا زیادہ ہوگا . ( مؤلف )
٤٢ ۔ ناپسند عورت
ایسی عورت جو زیادہ لعنت کرنے والی ہو
( قال رسول اللہ صلی اللہ علیہ و آلہ و سلم لجماعة من النساء یذکر لھن المذموم من صفاتھنّ ) :
ان أکثر کن حطب جھنم ، انکن تکثرن اللعن و تکفرن العشیرة . ( ١ )
رسول خدا صلی اللہ علیہ و آلہ و سلم نے عورتوں کے ایک گروہ سے ان کی بری صفات کو ذکر کرتے ہوئے فرمایا :
بے شک تم میں اکثر جہنم کا ایندھن بنوں گی ( اس لئے کہ ) تم زیادہ لعنت کرتی ہو اور اپنے شوہر کی نسبت کفر ان نعمت سے کام لیتی ہو .
--------------
( ١ ) اصول کافی ٥ : ٥١٤؛ اصول ستة عشر : ٢٢٥ ، طبع مؤسسہ دار الحدیث .
|
|