٣١ ۔ شوہر کی اجازت کے بغیر گھر سے نکلن
ایسی عورت جو شوہر کی اجازت کے بغیر گھر سے باہر جائے
قال رسول اللہ صلی اللہ علیہ و آلہ و سلم :
أیما امرئة خرجت من بیت زوجھا بغیر اذنہ لعنھا کل شیئٍ طلعت علیہ الشمس و القمر الی أن یرضی عنھا زوجھا . ( ١ )
رسول خدا صلی اللہ علیہ و آلہ و سلم نے فرمایا :
جو عورت شوہر کی اجازت کے بغیر گھر سے باہر نکلے تو دنیا کی ہر چیز اس پر لعنت بھیجتی ہے یہاں تک کہ اس کا شوہر اس سے راضی ہو .
--------------
( ١ ) عوالی اللئالی ١ : ٢٥٥ . امالی شیخ صدوق : ٥١٠ .
من لا یحضرہ الفقیہ ٤ : ٣ ؛ مکارم الأخلاق ٢ : ٣٠٨ ، تنبیہ الخواطر ٢ : ٢٥٧ .
٣٢ ۔ عورت کا گھر سے باہر نکلن
ایسی عورت جو باہر جاتے وقت شوہر سے اجازت طلب نہ کرے
قال رسول اللہ صلی اللہ علیہ و آلہ و سلم :
لیلة اسری بی الی السّماء ، رأیت نسائً من اُمتی فی عذاب شدید فأنکرت شأنھن فبکیت لما رأیت من شدت عذابھن …
و رأیت امرئة معلّقةبرجلیھا فی تنور من نار .
( قال رسول اللہ صلی اللہ علیہ و آلہ و سلم ) : اما المعلقة برجلیھا فانھا کانت تخرج من بیتھا بغیر اذن زوجھا . ( ١ )
رسول خدا صلی اللہ علیہ و آلہ و سلم نے فرمایا : شب معراج میں نے اپنی امت کی عورتوں کو دیکھا جو شدید ترین عذاب میں مبتلا تھیں .
میں ان کی یہ حالت دیکھکر سخت پریشان ہوا اور ان پر ہونے والے عذاب کی سختی پر گریہ کیا … میں نے ایک عورت کو دیکھا جو آگ کے تنور میں پاؤں سے لٹکی ہوئی تھی .
آنحضرت صلی اللہ علیہ و آلہ و سلم نے فرمایا :
البتہ جو عورت اپنے پاؤں سے لٹکائی گئی تھی وہ ایسی عورت تھی جو شوہر کی اجازت کے بغیر گھر سے باہر جاتی تھی .
--------------
( ١ ) عیون الأخبار ٢ : ، باب ٣٠ ، حدیث ٢٤ .
٣٣ ۔ ہمسر کو ناراض کرن
ایسی عورت جو اپنے شوہر کو ناراض کرے
قال رسول اللہ صلی اللہ علیہ و آلہ و سلم :
ویل لامرئة أغضبت زوجھا ، و طوبیٰ لامرئة رضی عنھا زوجھا . ( ١ ) و قال صلی اللہ علیہ و آلہ و سلم :
ما من امرئة غضب علیھا زوجھا ، ولم تسترض منہ حتی یرضی الا کانت فی سخط اللہ و غضبہ حتی یرضی عنھا زوجھا.(٢)
رسول خدا صلی اللہ علیہ و آلہ و سلم نے فرمایا :
ہلاکت ہے ایسی عورت کے لئے جو اپنے شوہر کو ناراض کرے اور خوشخبری ہے ایسی عورت کے لئے جس سے اس کا شوہر راضی ہو
نیز آنحضرت صلی اللہ علیہ و آلہ و سلم نے فرمایا :
جس عورت کا شوہر اس سے ناراض ہو اور وہ اسے راضی کرنے کی کوشش نہ کرے تو خداوند متعال اس وقت تک اس سے ناراض اور اس پر غضبناک رہتا ہے جب تک کہ اس کا شوہر اس سے راضی نہ ہو جائے .
--------------
( ١ ) عیون الأخبار ٢ : ، باب ٣٠ ، حدیث ٢٤ .
( ٢ ) عوالم علوم سیدة النساء علیھا السلام و مستدرکاتھا ١ : ٥٢٥ .
٣٤ ۔ نا محرم کے ساتھ خلوت کرن
ایسی عورت جو نامحرم شخص کے ساتھ خلوت کرے
قال ابلیس علیہ اللعنة لنوح النبی علیہ السلام :
اذکری فی ثلاثة مواطن فانی أقرب ما أکون الی العبد اذا کان فی احداھن : اذکرنی اذا غضبت . و اذکرنی اذا حکمت بین اثنین.
و اذکرنی مع امرئة خالیاً لیس معکما أحد . (١ )
ابلیس ملعون نے حضرت نوح علیہ السلام سے کہا :
تین مقامات پر مجھے فراموش نہ کرنا اس لئے کہ وہاں میں انسان کے بہت قریب ہوتا ہوں .
١ ۔ غصہ کے وقت .
٢ ۔ دو شخصوں کے درمیان فیصلہ کرتے وقت .
٣ ۔ نا محرم عورت کے ساتھ تنھائی و خلوت کے وقت .
--------------
( ١ ) خصال : ١٣٢ .
٣٥ ۔ نا محرم سے تنہائی
ایسی عورت جو نا محرم کے ساتھ تنہائی میں رہے
قال ابلیس علیہ اللعنة لموسی بن عمران علیہ السلام :
لا تخلون بامرئة لا تحل لہ الا کنت صاحبہ افتتنہ بھا . ( ١ )
ابلیس ملعون نے حضرت موسیٰ علیہ السلام سے کہا :
نا محرم عورت کے ساتھ خلوت نہ کرنا اس لئے کہ جس وقت کوئی شخص کسی نا محرم عورت کے ساتھ خلوت کرتا ہے تو میں وہاں پہ موجود ہوتا ہوں اور انہیں گناہ و معصیت پر ابھارتا ہوں .
--------------
( ١ ) تنبیہ الخواطر ١ : ١٠٣ .
٣٦ ۔ شوہر سے خیانت کرن
ایسی عورت جو اپنے شوہر سے خیانت کرے
قال رسول اللہ صلی اللہ علیہ و آلہ و سلم فی اصناف المسوخ و سبب مسخھم :
و أما العنکبوت فمسخت لأنھا کانت خائنة للبعل و کانت تمکن فرجھا سوا . ( ١ )
و قال الامام الرضا علیہ السلام فی اصناف المسوخ و سبب مسخھم :
الأرنب مسخ ، کانت امرئة تخون زوجھا ولا تغتسل من حیضھا . ( ٢ )
رسول خدا صلی اللہ علیہ و آلہ و سلم نے مسخ شدہ حیوانات کی اقسام بیان کرتے ہوئے ان کے مسخ ہونے کا سبب یوں بیان فرمایا:
البتہ مکڑی ایسی عورت تھی جو اپنے شوہر سے خیانت کرتی اور اپنے کو غیروں
کے سامنے پیش کرتی .
نیز امام رضا علیہ السلام نے فرمایا :
خرگوش مسخ شدہ حیوان ہے وہ ایک ایسی عورت تھی جو اپنے شوہر سے خیانت کرتی اور غسل حیض و جنابت کا خیال نہیں رکھتی تھی .
--------------
( ١ ) اختصاص : ١٣٧ .
( ٢ ) اصول کافی ٦ : ٢٤٦ .
|