٢٥ ۔ بد اخلاق عورت
ایسی عورت جو ہمسائیوں سے بد اخلاقی کرے
قیل لرسول اللہ صلی اللہ علیہ و آلہ و سلم :
ان فلانة تصوم النھار و تقوم اللیل وھی سیّئة الخلق ، تؤذی جیرانھا بلسانھا .
فقال صلی اللہ علیہ و آلہ و سلم :
لا خیر فیھا ، ھی من أھل النار . ( ١ )
رسول خدا صلی اللہ علیہ وآلہ و سلم کی خدمت میں عرض کیا گیا .
فلاں عورت دن میں روزہ رکھتی ہے اور رات عبادت میں گزارتی ہے جب کہ وہ بد اخلاق ہے اور اپنے ہمسائیوں کو زبان سے اذیت پہنچاتی ہے .
آنحضرت صلی اللہ علیہ و آلہ و سلم نے فرمایا :
اس عورت میں بھلائی نہیں ہے اور وہ جہنمی ہے .
--------------
( ١ ) تنبیہ الخواطر ١ : ٩٠ .
٢٦ ۔ شوہرکی نافرمانی
ایسی عورت جو اپنے شوہر کی نافرمانی کرتی ہو
قال الامام الصادق علیہ السلام فی أصناف المسوخ و سبب مسخھم … أما العنکبوت فکانت امرئة سیئة الخلق ، عاصیة لزوجھا ، مولیّة عنہ فمسخھا اللہ عنکبوتاً . ( ١ )
امام صادق علیہ السلام نے مسخ شدہ حیوانات کی اقسام اور ان کے مسخ ہونے کے اسباب کو بیان کرتے ہوئے فرمایا:
… البتہ مکڑی ، بد اخلاق عورت تھی جو اپنے شوہر کی نافرمانی اور اس سے روگردانی کرتی . خداوند متعال نے اسے مکڑی کی صورت میں تبدیل کردیا .
--------------
١ ۔ خصال : ٤٩٣ ؛ علل الشرائع ٢ : ، باب ٢٣٩ ، حدیث ٤ .
٢٧ ۔ شوہرکی اجازت کے بغیر صدقہ دین
ایسی عورت جو اپنے شوہر کی اجازت کے بغیر صدقہ دے
قال رسول اللہ صلی اللہ علیہ و آلہ و سلم :
لا ینبغی للمرئة أن تتصدق بشیء من بیت زوجھا الا باذنہ . فان فعلت ذلک کان لہ الأجر و علیھا الوزر . ( ١ )
و قال : ما من امرئة تصدّقت من مال زوجھا بغیر اذنہ الا کتب اللہ علیھا ذنوب سبعین سارقا . ( ٢ )
رسول خدا صلی اللہ علیہ وآلہ و سلم نے فرمایا :
عورت کے لئے جائز نہیں ہے کہ وہ اپنے شوہر کی اجازت کے بغیر گھر کی کسی چیز کو صدقہ کے طور پر دے .
اور اگر وہ ایسا کرتی ہے تو اس کا ثواب اس کے شوہر کو ملے گا جب کہ اسے عذاب ملے گا .
نیز آنحضرت صلی اللہ علیہ و آلہ و سلم نے فرمایا :
ایسی عورت جو اپنے شوہر کے مال میں سے اس کی اجازت کے بغیر صدقہ دے تو خداوند متعال ستر چور کا گناہ اس کے نامہ اعمال میں لکھ دے گا .
--------------
( ١ ) مستدرک الوسائل ١٤ : ٢٤١ . ( ٢ ) عوالم علوم سیدة النساء علیھا السلام و مستدرکاتھا ١ : ٥٢٥ .
٢٨ ۔ شوہر سے بے جا امید
ایسی عورت جو اپنے شوہر سے بیجا توقعات رکھتی ہو
قال رسول اللہ صلی اللہ علیہ و آلہ و سلم :
أیما امرئة لم ترفق بزوجھا و حمّلتہ علی مالا یقدر علیہ ومالا یطیق ، لم یقبل اللہ منھا حسنةً . و تلقی اللہ عز وجل و ھو غضبان.(١ )
رسول خدا صلی اللہ علیہ و آلہ و سلم نے فرمایا :
ایسی عورت جو اپنے شوہر سے نرمی سے پیش نہ آئے اور اس سے ایسی چیز کی فرمائش کرے جس کی وہ قدرت نہ رکھتا ہو تو خداوند متعال اس کی نیکیاں قبول نہیں کرتا اور روز قیامت اس پر غضبناک ہوگا .
--------------
( ١ ) مکارم الاخلاق ١ : ٤٦٣ ؛ من لا یحضرہ الفقیہ ٤ : ٩ .
٢٩ ۔ ہمسر سے تندی کے ساتھ پیش آن
ایسی عورت جو اپنے شوہر سے سختی برتتی ہو
قال رسول اللہ صلی اللہ علیہ و آلہ و سلم :
ما من امرئة تردّ علی زوجھا الا علقت یوم القیامة بلسانھا . و سمّرة کفیھا بمسامیر من نار . ( ١ )
رسول خدا صلی اللہ علیہ و آلہ و سلم نے فرمایا :
جو عورت اپنے شوہر سے تندی و تیزی سے پیش آئے تو روز قیامت اسے زبان کے ساتھ لٹکایا جائے گا اور اس کی دونوں ہتھیلیوں میں آگ کی میخیں گاڑی جائیں گی .
--------------
( ١ ) مستدرک الوسائل ١٤ : ٢٤٠ .
٣٠ ۔ ہمسر پر جادو کرن
ایسی عورت جو شوہر کو نرم دل بنانے کے لئے جادو سے کام لے
قال رسول اللہ صلی اللہ علیہ و آلہ و سلم لامرئة سألتہ :
أنّ لی زوجاً و بہ علیّ غلظة و انّی صنعت شیئاً لأعطفہ علیّ فقال لھا رسول اللہ صلی اللہ علیہ و آلہ و سلم :
اُفّ لک . کدرت البحار و کدّرت الطین . و لعنتک الملائکة الأخیار و ملائکہ السماوات و الارض … ( ١ ) .
رسول خدا صلی اللہ علیہ و آلہ و سلم کے پاس ایک عورت حاضر ہوئی اور کہنے لگی :
میرا شوہر میرے ساتھ سختی سے پیش آتا ہے میں نے اسے اپنے لئے نرم دل بنانے کی خاطر جادو کیا ہے .
رسول خدا صلی اللہ علیہ و آلہ و سلم نے فرمایا :
افسوس تجھ پر ، تو نے اپنے اس عمل سے چشموں اور دریاؤں کو نجس کر دیا اور ملائکہ زمین و آسمان نے تجھ پر لعنت کی ہے .
--------------
( ١ ) من لا یحضرہ الفقیہ ٣ : ٢٨٢ ، باب عقوبة المرئة علی أن تسحر زوجھا ، مکارم الاخلاق ٢ : ٢٨٨ ، باب: فی السحر .
|