امام مهدی ؑکے بارے میں کچھ اشعار
خورشیدو زهره
مرھم بر زخم ھجران ، بین که دل ویرانه شد
از غم ہجر تو ای لیلای من دیوانه شد
باد ه ی حزن فراحت، بند بندم را گرفت
آتشم بر دل زد ودل ، شعله ی مستانه شد
بہترین معنی ی عشق ای سراپا سرو ناز
ناز تو دُردِ هلاک ِ پیر ہر میخانه شد
زہره در آغوش خورشید آمدای جان جهان!
نقطه ای خال ِ رخ مه پاره ی افسانه شد
ذره ای ھستم و تو سراپا جام نور
دل اسیر نرگسِ خورشید آن یک دانه شد
خاطرات تو دُرون لحظه لحظه بودنم
لعل دروؔیشم ربود و شهد در پیمانه شد (1)
..............
(1) حضرت آیت اللہ سید ناصر حسین درویش میبدی کرمان شاہی (اسیر عشق)
آثار انقلاب
هے کون جس کی دونوں جهان کو هے جستجو
هے کس کا نام مهر ِ نبوّ ت کی آبرو
کس کے وجود سے هے دو عالم میں ھا و ھو
بهتی هے کس کے اذن سے سانسوں آب جو
غیبت کسے ملی هے خدا سے قریب کی ؟
خیرات کون بانٹ رها هے نصیب کی؟
یه رات هے نجات ِ بشر کی نوید بھی
یه رات هے بهشت بریں کی کلید بھی
یه رات سعد بھی هے ، سراج سعید بھی
یه رات رات بھی هےمگر'' صبح عید بھی''
اس رات میں رواں هے سمندر خیال کا
آ تذکره کریں ذرا نرگس کے لعل کا
اے فخر ابن مریم و سلطان فقر خو
تیرے کرم کا اَبر بھرستا هے چار سو
تیرے لئے هوائیں بھٹکتی هیں کو به کو
تیرے لئے هی چاند اترتا هے جو به جو
پانی تیرے لئے هے صدا ارتعاش میں
سورج هے تیرے نقش قدم کی تلاش میں
اے آسمان فکر بشر ، وجه ذو الجلال
اے منزل خرد کا نشان ، سرحد خیال
اے حسن لا یزال کی تزئین لا زوال
رکھتا هے مضطرب مجھے اکثر یهی سوال
جب تو زمین و اهل زمین کا نکھار هے
عیسٰیؑ کو کیوں فلک په تیرا انتظار هے
تو مرکز جهاں بھی شهه جبرئیل بھی
دنیا کا محتسب بھی همارا وکیل بھی
تو عقل بھی ، جنوں بھی ، جمال و جمیل بھی
پردے میں هے وجودِ خدا کی دلیل بھی
دنیا تیری مزاجِ سماعت کا نام هے
محشر تیرے ظهور کی ساعت کا نام هے
اے باغ عسکری کےمقدس ترین پھول
اے کعبۀ فروع ِ نظر ، قبلۀ اصول
آ هم سے کر خراجِ دل و جاں کبھی وصول
تیرے بغیر هم کو قیامت نهیں قبول
دنیا ، نه مال و زر ، نه وزارت کے واسطے!
هم جی رهےهیں،تیری زیارت کے واسطے!
اے آفتاب مطلع هستی اُبھر کبھی
اے چهرۀ مزاجِ دو عالم نکھر کبھی
اے عکس حق ، فلک سے ادھر بھی اتر کبھی
اے رونق ِ نمو ، لے هماری خبر کبھی
قسمت کی سر نوش کو ٹوکے هوئے هیں هم
تیرے لئے تو موت کو روکے هوئے هیں هم
اب بڑھ چلاهےذهن ودل وجان میں اضطراب
پیدا هیں شش جهات میں آثارِ انقلاب
اب ماند پڑ رهی هے زمانے کی آب و تاب
اپنے رخ ِ حسین سے اٹھا تو بھی اب نقاب
هر سو یزیدیت کی کدورت هے ان دنوں
مولاؑ تیری شدید ضرورت هے ان دنوں
نسل ستم هے در په آزار ، اب تو آ
پھر رهیں هیں ظلم کے دربار ، اب تو آ
پھر آگ پھر وهی در و دیوار ، اب تو آ
کعبے په پھر هے ظلم کی یلغار ، اب تو آ
دن ڈھل رها هے ، وقت کو تازه اڑان دے
آ ، ''اے امام عصر '' حرم میں ''آذان'' دے (1)
..............
(1) شہید محسن نقویؔ فرات فکر؛ ص، 112تا120
چراغ الفت
ظهور کا وقت آ گیا هے امامؑ سے ''لو'' لگائے رکھنا
ظهور کا وقت آ گیا هے حرم په نظریں جمائے رکھنا
ظهور کا وقت آ گیا هے چراغ الفت جلائے رکھنا
نه نیند آئے، نه اونگھ آئے رکھو هر ایک پر نظر جمائے!
دل و نظرسے که سامره سے نه جانے کس راستے سے آئے
ظهور کا وقت آ گیا هے هر ایک رسته سجائے رکھنا
نه حبّ دنیا سے کچھ لانا ، نه غیر سے راه و رسم رکھنا!
تمهاری دولت هے علم و تقویٰ ،کرے گا دجال اس په حمله
ظهور کا وقت آ گیا هے تم اپنی پونجھی بچائے رکھنا
یهیں کهیں ، آس پاس هو گا، وه آنے ولا آ چکا هے
حواری عیسیٰ کے ساتھ هونگے ،موالی مولا کے ساتھ هونگے
ظهور کا وقت آ گیا هےموالیوں سے بنائے رکھنا
هے انتقام ِحسینؑ باقی وه آنے والا حساب هو گا
عقیده اپنا درست رکھناجو ان کے نصرت کی هے تمنا
ظهور کا وقت آ گیا هے عمل کو بھی آزمائے رکھنا
سوائے چند دن ظهور کی سب علامتیں پوری هو چکی هیں
بصیرت و معرفت تمهاری عدوئے حق کو کٹک رهی هے
ظهور کا وقت آ گیا هے دل و نظر کو بچائے رکھنا
نئے نئے نغمھائے الفت جو روز کهه کهه کے لا رهے هو
پڑھے ذیارت جو سبطه جعفر ؔ امام ؑ کے در پَرا پڑے هو
ظهور کا وقت آ گیا هے تم اپنا بستر لگائے رکھنا (1)
..............
(1) پروفیسر سبط جعفر زیدیؔ
نور فروزان
اے شمع دل و دیدۀ احرار کهاں هو
اے نور فروزانِ شبِ تار کهاں هو
اے باغ رسالت کے حسین پھولوں کا دسته
اے وارث پیغمبر مختار ؐ کها ں هو
مظلوم و ستم دیده و بے چاره هوئے هم
اے حامی و اے مونس وغمخوار کهاں هو
اس دور میں هے جان هتھیلی په هماری
مشکل میں هے جینا میرے دلدار کهاں هو
هے عشق کے هونٹوں په سدا نام تمهارا
هم سب هیں تیرے طالب دیدار کهاں هو
چھائی هے گھٹا ظلم کے تاریک هے دنیا
اے شمع عدالت کے نگہدار کهاں هو
آمادۀ حرکت هے تیرے قافله والے
بس یه هے صدا قافله سالار کهاں هو
اے منتقم خون شهیدان رۀ حق
اے نوحه گر زینب ؑ غمخوار کهاں هو
اے مهدی موعود ؑ امم ، حاکم برحق
اے زمزمۀ عالمِ افکار کهاں هو
مرجاؤں تو رجعت کی هے امید اے آقا
اطهرؔ کو عطا هو تیرا دیدار کهاں هو؟(1)
..............
(1) از کلام سید سجاد اطہرؔ موسوی
مهدیؑ کا انقلاب
ظلم و ستم مٹائے گا مهدیؑ کا ا نقلاب
امن و امان لائے گامهدیؑ کا انقلاب
خوشبو دهر میں پھیلے گی نرگس کے پھول کی
بن کر بهار آئے گا مهدیؑ کا انقلاب
طوفاں هیں ظلم و جور کے اپنے عروج پر
طوفاں میں مسکرائے گامهدیؑ کا انقلاب
هر داغدیده هے ابھی شدت سے منتظر
داغ جگر مٹائے گا مهدیؑ کا انقلاب
جو آتش سقیفه سے روشن هوئے دئے
ان سب کو آبجھائے گا مهدیؑ کا انقلاب
جتنی عمارتیں هیں بقیع کے نواح میں
سب خاک میں ملائے گا مهدیؑ کا انقلاب
عدل و صفا کی هو گی حکومت جهان پر
مظلوم کو بسائے گا مهدیؑ کا انقلاب
گردن کشو نه بھولنا تم انتقام کو
یه گردنیں جھکائے گا مهدیؑ کا انقلاب
آماده رهنا شیعو! تم نصرت کے واسطے
شیعوں کو آزمائے گا مهدیؑ کا انقلاب
مکه سے ا بتداء هے اسی انقلاب کی
سارے جهاں په چھائے گا مهدیؑ کا انقلاب
خوش هو کے سیدهؑ تجھے نقویؔ کریں دعا
محفل میں جب سنائے گا مهدیؑ کا انقلاب (1)
..............
(1) حجۃ الاسلام سید تحریر علی نقوی صاحب
میرا امامؑ
میری بےچارگی کا تیری ماتم مدام هے
اظهار عشق کیا کروں عشق خام هے
اس نے تو اپنے حسن کا جادو دکھا دیا
میری طرف سے اس کو درود و سلام هے
وه توچلے گئے هیں بڑی خاموشی کے ساتھ
دل میں میرے جدائی کا ماتم مدام هے
کتنی حسین شمع کی محفل تھی جب وه تھے
جب وه گئے تو اپ نه سحر هے نه شام هے
جانے سے اس کے گھر کا نقشه هی بدل گیا
ایک لحظه مجھ کو آنکھ جھپکنا حرام هے
اس کے هی دم سے هے یه چراغوں میں روشنی
جب وه نه هو تو زندگی کا کیا نظام هے
شام و سحر هے میری نگاهوں میں سامرا
میں جس کا منتظر هوں وه میرا امامؑ هے (1)
..............
(1) شیخ محمد حسین بہشتیؔ (٢٨رمضان المبارک ١٤٣١ھ مشہد مقدس)
کون و مکاں
امام عصر مهدیٔ جهاں هے
انهیں کے نام یه کون و مکاں هے
انهیں کے دم سے هے تابنده عالم
انهیں کے نام یه ارض و سماں هے
یهی تو باب رحمت باب حق هے
یهی تو رحمتوں کا آستاں هے
نهیں پوشیده کوئی راز ان سے
یهی ارض و سماء کا رازداں هے
درِ مهدی ؑ بھی جنت هی کا در هے
فرشتوں کا بھی تو یه هی مکاں هے
هے جب تک دم تیرا هی ذکر هو گا
تیرے هی نام بس وردِ زباں هے
زمانه اب بدلتا جا رها هے
نه گلشن هے نه کوئی باغباں هے
هے عالم منتظر مهدیؑ زماں کا
ظهور اپنا دکھا آ ! تو کهاں هے
منافق پھر سے سر گرم عمل هے
مسلماں وقتِ شمشیر و سناں هے
دھماکے هو رهے هیں هر جگه پر
مسلماں ڈھوب مرنے کا مکاں هے
کبھی ان کو نه تو ا پنا سمجھنا
لگانا مت گلے آتش فشاں هے
مٹانے کو تُلے هیں تجھ کو یه سب
تیری جرأ ت تیری غیرت کهاں هے
اٹھا یا سر هے پھر سے کوفیوں نے
تیرا آنا ضروری اب یهاں هے
عجب منظر فقط میری نظر میں
اگر هے تو تیرا هی آستاں هے
میرے مولا میری جان تمنا
به جز تیرے مجھے جانا کهاں هے
میری کشتی میرا طوفاں هے تو
تو هی تو میرا بحرِ بیکراں هے
بیاں ان کا کریں کیا هم بهشتیؔ
بهت رنگین ان کی داستاں هے
ذرا فریاد کر دل سے بهشتیؔ
بدلتا کیوں نهیں طرزِ فغاں هے (1)
..............
(1) نتیجہ فکر: شیخ محمد حسین بہشتیؔ (١٩رمضان المبارک ١٤٣١ھ مشہد مقدس)
میر کارواں
سلگتا هوں میں ایسے جس طرح آتش فشاں اے دوست
رها هوں میں همیشه غم کا تیرے پاسباں اے دوست
تیرے هی نام سے وابسته هے یه زندگی میری
تجھے میں چھوڑ کر جاؤں بھی تو جاؤں کهاں اے دوست
بڑی مدت سے تیری کھوج میں سرگرداں هے یه دل
تیرا هی فکر هے دل میں تجھے پاؤں کهاں اے دوست
کهاں تو اور کهاں میں در بدر ، آواره، بےچاره
میں هوں خار مغیلا تو هی هے گل ستاں اے دوست
بهشتی ؔ چھوڑ کر چوکھٹ تیری جائیں کهاں بتلا
کهاں پیدا کرے گا تیرے جیسا مهرباں اے دوست
میں ایک بھٹکا هوا راهی هوں رسته سے هوں بیگانه
نمایاں کر میری آنکھوں کو منزل کے نشاں اے دوست
کرم کرنا تیری خُو هے تو هی تو باب ِ رحمت هے
مجھے بھی ساتھ لے لے تو هے میر کارواں اے دوست
میرا مقصدهے تو تیرا هی هر دم نام هے لب پر
تو هی هے زندگی میری تو هے روح رواں اے دوست
تیرے دامن سے میں لپٹا ر هوں گا تو بتا کیسے؟
گریں گی کس طرح آکر که مجھ پر بجلیاں اے دوست
تیرے قدموں میں رهنے سے مجھے مل جائے گا رتبه
میں هوں شبنم کا قطره تو هے بحر بیکراں اے دوست
هزاروں داغ دل میں یوں چھپائے هیں بهشتیؔ نے
تڑپتا هی رها پھر بھی نه کی آه و فغاں اے دوست (1)
..............
(1) نتیجہ فکر: شیخ محمد حسین بہشتیؔ (١٤شعبان المعظم ١٤٣١ھ مشہد مقدس)
اے گل نرجس
''صدف غیبت کا کھل جائے هویدا هو رخ ِ انور''
بڑی مدّت سے هیں بیتاب نظر آ ا ب تو اے اختر
کهاں شمس و قمر او ر تو کهاں اے نور یزدانی
تیرے هی نام کےچرچے هیں اس عالم میں سرتا سر
تیرا آنا زمانے کے لئے ایک ابر رحمت هے
تو هی رحمت کا سر چشمه تو هی هے مخزن گوهر
تیر ا آنا خدا کی رحمتوں کا سا تھ لانا هے
خلائق کو دکھا دیں اب ذ را آ کر تیرے جوھر
یه بارش هو رهی هے هر طرف تیری محبت کی
تیرا هی جلو ۀ عالم میں نظر آتا هے سر تا سر
ترستے پھر رهے هیں عالم کون ومکاں میں سب
تیری هی جستجو ، تیرا تصوّر ساتھ میں لے کر
تیرا هو نا یها ں پر اے شه والا ضروری هے
عجب حالت هے اب اس خاک داں کی اے میرے دلبر
تیرے هی منتظر هیں سب تو هی تو مظهر حق هے
تو هی شمشیرِ یزداں هے تو هی هے نعرۀ حیدر
سبھی تشنه لبوں کو جا م دے خود اپنے ها تھوں سے
شرابِ ناب سے سیراب کر اے سا قیئ کوثر
فقط چهره دکھا دیں آپؑ اپنا اے گل ِ نرجس
شمع گل هو هی نه جائے بهشتی ؔ کو یهی هے ڈر (1)
..............
(1) نتیجہ فکر: شیخ محمد حسین بہشتیؔ (٠٩شعبان المعظم ١٤٣١ھ مشہد مقدس)
|