اہل بیت سے نسبت اور محبت کی قدر و قیمت
محبت اہل بیت کی اہمیت خدا و رسولۖ کی نظر میں
ہم یہاںاہل بیت کی محبت کی اہمیت کے بارے میں کچھ آیتیں اور کچھ حدیثیں بیان کرتے ہیں:
علی کے شیعہ ہی کامیاب ہیں
سیوطی نے در منثور میں اس آیت:( نَّ الَّذِینَ آمَنُوْا وَ عَمِلُوا الصَّالِحَاتِ أوْلٰئِکَ ھُم خَیرُ الْبَرِیَّةِ)(١)کی تفسیر میں تحریر کیاہے کہ ابن عساکر نے جابر بن عبد اللہ انصاری سے روایت کی ہے کہ انہوں نے کہا: ہم رسولۖ کی خدمت میں حاضر تھے کہ علی تشریف لائے تو رسولۖ نے فرمایا: اس ذات کی قسم کہ جس کے قبضۂ قدرت میں میری جان ہے قیامت کے دن یہ اور ان کے شیعہ ہی کامیاب ہیں۔ پھر یہ آیت نازل ہوئی:( نَّ الَّذِینَ آمَنُوْا وَ عَمِلُوا الصَّالِحَاتِ أوْلٰئِکَ ھُم خَیرُ الْبَرِیَّةِ)چنانچہ جب علی آتے تھے تو اصحابِ رسولۖ کہتے تھے: خیر البریة آ رہے ہیں۔
علامہ عبد الرئوف المناوی نے اپنی کتاب ''کنوز الحقائق'' کے صفحہ ٨٢ پر اس طرح روایت کی ہے:
''شیعة علّ ھم الفائزون''علی کے شیعہ ہی کامیاب ہیں۔ پھر لکھتے ہیں اس حدیث
..............
(١)سورہ بینہ: ٧
کو دیلمی نے بھی نقل کیا ہے ۔
ہیثمی نے مجمع الزوائد کی کتاب المناقب کے مناقبِ علی بن ابی طالب (١) میں۔ علی سے روایت کی ہے کہ آپۖ نے فرمایا: میرے دوست ۖ نے فرمایا: اے علی تم اور تمہارے شیعہ خدا کی بارگاہ میں اس حال میں پہونچو گے کہ تم اس سے راضی اور وہ تم سے خوش ہوگا اور تمہارا دشمن اس حال میں حاضر ہوگا کہ خد اس پر غضبناک ہو گا اور وہ جہنم میں جائے گا۔
اس حدیث کی طبرانی نے اوسط میں روایت کی ہے۔
ابن حجر نے ''صواعق کے ص ٩٦ پر روایت کی ہے اور لکھا ہے : دیلمی نے روایت کی ہے کہ رسولۖ نے فرمایا: اے علی : مبارک ہو کہ خدا نے تمہیں، تمہاری ذریت ، تمہارے بیٹوں، اہل ، تمہارے شیعوں اور تمہارے شیعوں کے دوستوں کو بخش دیا ہے ۔(٢)
ایوب سجستانی سے مروی ہے کہ انہوںنے ابو قلابہ سے روایت کی ہے کہ ا نہوں نے کہا: ام سلمہ نے کہا: میں نے رسولۖ خدا سے سنا کہ فرماتے ہیں: قیامت کے روز علی اور ان کے شیعہ ہی کامیاب ہوں گے۔(٣)
علی اور ان کے شیعہ بہترین خلائق ہیں
جریر طبری نے اپنی تفسیر میں خدا وند عالم کے اس قول(أوْلٰئِکَ خَیرُ الْبَرِیَّةِ) کی تفسیر کے سلسلہ میں اپنی سند سے ابو جارود سے انہوں نے محمد بن علی سے روایت کی ہے کہ
..............
(١) مجمع الزوائد : ج٩ ص ١٣١
(٢) فضائل الخمسہ من الصحاح الستہ : ج٢ ص ١١٧ ص ١١٨
(٣)بشارت مصطفی : ص ١٩٧
رسولۖ نے فرمایا: اے علی تم اور تمہارے شیعہ ہی کا میاب ہیں۔(١)
اس کو سیوطی نے در منثور میں جابر بن عبد اللہ انصاری سے نقل کیا ہے اور لکھا ہے :اس حدیث کو ابن عدی اور ابن عساکر نے علی سے مرفوع طریقہ سے نقل کیا ہے کہ : علی خیر البریة ہیں۔
نیز تحریر کیا ہے : ابن عدی نے ابن عباس سے روایت کی ہے کہ انہوں نے کہا: جب یہ آیت( نَّ الَّذِینَ آمَنُوا وَ عَمِلُواْ الصَّالِحاتِ أولئک ھُم خَیرُ الْبَرِیَّةِ) نازل ہوئی تو رسولۖ نے علی سے فرمایا: روز قیامت تم اور تمہارے شیعہ خدا سے خوش اور وہ تم سے راضی ہوگا۔(٢)
نیز لکھا ہے : ابن مردویہ نے علی سے روایت کی ہے کہ آپ نے کہا: مجھ سے رسولۖ نے فرمایا: کیا تم نے خدا کا قول ( نَّ الَّذِینَ آمَنُوْا وَ عَمِلُوا الصَّالِحَاتِ أوْلٰئِکَ ھُم خَیرُ الْبَرِیَّةِ )نہیں سنا ہے ؟ تمہاری اورتمہارے شیعوں کی، میری اور تمہاری وعدہ گاہ حوض، کوثرہے جب امتیں حساب کے لئے آئیں گی تو تمہیں اور تمہارے شیعوں کو عزت کے ساتھ بلایا جائیگا اور بٹھایا جائیگا ۔
ابن حجر نے صواعق میں لکھا ہے:
گیارہویں آیت( نَّ الَّذِینَ آمَنُوْا وَ عَمِلُوا الصَّالِحَاتِ أوْلٰئِکَ ھُم خَیرُ الْبَرِیَّةِ) جمال الدین زرندی نے ابن عباس سے روایت کی ہے کہ جب یہ آیت
..............
(١) تفسیر طبری: ج٣ ص ١٧١ سورہ بینہ
(٢) در منثور : سیوطی تفسیر بینہ
نازل ہوئی تو رسولۖ نے حضرت علی سے فرمایا: یہ تم اور تمہارے شیعہ ہیں کہ قیامت کے روز تم خدا سے راضی اوروہ تم سے راضی ہوگا۔ اور تمہارا دشمن اس حال میں آئیگا کہ وہ غصہ میں ہوگا اور اس کے ہاتھ گردن کے طوق میں پڑے ہوںگے۔(١)
اس روایت کو شبلنجی نے نور الابصار میں نقل کیا ہے۔(٢)
اسلام میں محبت اہل بیت کا مقام
محمد بن یعقوب کلینی نے اپنی اسناد سے ابو حمزہ ثمالی سے اور انہوں نے ابوجعفر سے روایت کی ہے کہ آپ نے فرمایا: اسلام کی بنیاد پانچ چیزوں ، نماز،زکواة، روزہ، حج اور ولایت ،پررکھی گئی ہے اورجس طرح ولایت کی طرف دعوت دی گئی ہے اس طرح کسی بھی چیز کی طرف نہیں بلایا گیا ہے ۔(٣)
محمد بن یعقوب کلینی نے اپنی اسناد سے عجلان ابو صالح سے روایت کی ہے کہ انہوں نے کہا: میں نے ابو عبد اللہ امام صادق کی خدمت میں عرض کیا: مجھے ایمان کی حدود و تعریف سے آگاہ کیجئے فرمایا: یہ گواہی دینا کہ اللہ کے علاوہ کوئی معبود نہیں ہے ، محمد اللہ کے رسولۖ ہیں، جو چیزوہ خدا کی طرف سے لائے ہیں وہ بر حق ہے ، پانچ وقت کی نماز، ماہ رمضان کا روزہ، خانہ کعبہ کاحج ،ہمارے ولی کی ولایت اور ہمارے دشمن سے عداوت اور سچوں میں شامل ہونا۔(٤)
کلینی نے اپنی اسناد سے زرارہ سے انہوں نے ابو جعفر سے روایت کی ہے کہ آپ نے فرمایا: اسلام کی بنیاد پانچ چیزوں پر رکھی گئی ہے اور وہ یہ ہیں، نماز ، زکواة ، روزہ ، حج اور ولایت ۔(5)
..............
(١)الصواعق المحرقہ: ٩٦
(٢) نور الابصار: ج٧ ص ٧٠ و ص ١١٠ ہم نے مذکورہ روایات کوفیروز آبادی کی کتاب فضائل الخمسہ من صحاب الستہ طبع مجمع جہانی اہل بیت: ج١ ص ٣٢٨ و ٣٢٩سے نقل کیاہے
(٣) بحار الانوار: ج٦٨ ص ٣٢٩ اصول کافی:ج٢ ص ١٨
(٤) بحار الانوار: ج٦٨ ص ٣٢٩ اصول کافی : ج ٢ ص ١٨
(5) بحار الانوار : ج٢: ص ٣٣٢ اصول کافی : ج٢ ص ٢١
|